UNINOVA
Incubadora de empresas de spin-off
UNINOVA, (Sociedade para a Promoción de Iniciativas Empresariais Innovadoras, S.L.) é unha Sociedade Limitada participada pola Universidade de Santiago de Compostela (USC) e o Concello compostelán, que naceu co obxectivo de promover a creación de empresas innovadoras de base tecnolóxica que xorden de proxectos de investigación e desenvolvemento (I+D) da USC.
Froito dunha cultura empresarial innovadora, UNINOVA, nútrese da investigación máis punteira para levar adiante proxectos de base tecnolóxica; mantendo así un continuo feed-back coa Universidade Compostelá para unha identificación inmediata das iniciativas con maior proxección.
UNINOVA forma parte do Plan UNIEMPRENDE, onde se perfilan as liñas de actuación da Universidade de Santiago de Compostela cara ao fomento da iniciativa empresarial dentro da comunidade universitaria.
Os nosos obxetivos
- Creación e utilización dunha sistemática de incubación de empresas que permita maximizar as probabilidades de éxito das mesmas.
- Dar a coñecer á comunidade científica e universitaria a existencia de UNINOVA como viveiro de empresas para o desenvolvemento dos seus proxectos empresariais.
- Captación e organización dun equipo de traballo orientado a facilitar a creación e desenvolvemento de empresas a través do asesoramento.
- Dotación e actualización de infraestruturas de traballo e tecnolóxicas que faciliten o éxito da incubación empresarial.
As nosas actividades
- Apoio á creación, formación e desenvolvemento de empresas.
- Contribución e colaboración na reciclaxe, actualización e especialización profesional de posgraduados, cara á súa integración nunha organización empresarial.
- Apoio á formación de empresarios.
- Formación especializada en actividades de desenvolvemento tecnolóxico.
- Organización de xornadas de estudo, orientación e outros cursos relacionados cos obxectivos xerais da Sociedade.
- Constitución dun centro de apoio e referencia na o Comunidade Galega en materia de creación de empresas en base a criterios de innovación tecnolóxica.
- Prestación de servizos e asistencia técnica a empresas innovadoras.
